Në mbledhjen e sotme të Këshillit të Ministrave është marrë vendimi për caktimin e afatit të hyrjes dhe qëndrimit të shtetasve të Ukrainës në vendin tonë.
Qeveria ka vendosur ukrainasit kanë të drejtë të hyjnë në Shqipëri dhe të qëndrojnë pa leje qëndrimi për një afat deri në një vit.
Vendimi i qeverisë
PËRCAKTIMIN E AFATIT TË HYRJES DHE QËNDRIMIT TË SHTETASVE TË UKRAINËS NË REPUBLIKËN E SHQIPËRISË
Në mbështetje të nenit 100 të Kushtetutës dhe të pikës 2, të nenit 29, të ligjit nr.79/2021, “Për të huajt”, me propozimin e ministrit të Brendshëm dhe të ministrit për Evropën dhe Punët e Jashtme, Këshilli i Ministrave
V E N D O S I:
Shtetasit e Ukrainës kanë të drejtë të hyjnë dhe të qëndrojnë pa leje qëndrimi në Republikën e Shqipërisë për një afat deri në 1 (një) vit.
Ngarkohen Ministria e Brendshme dhe Ministria për Evropën dhe Punët e Jashtme për zbatimin e këtij vendimi.
Ky vendim hyn në fuqi pas botimit në “Fletoren zyrtare”.
