Kryeministri Edi Rama ka reaguar në lidhje me shtyrjen për të shtunën e protestës kundër rritjes së çmimeve. Përmes një postimi në Twitter Rama shkruan se shtyrja lidhet me mobilizimin financiar të foltoreve dhe fallxhoreve për të sjellë militantë nga rrethet.
Teksa e cilëson si një protestë turpi, Rama shkruan gjithashtu se vetëm Kremlini mund ta shohë me admirim një protestë të tillë.
“Shtyrja e protestave të turpit për të shtunën lidhet me mobilizimin financiar dhe partiak të foltoreve e fallxhoreve për të sjellë militantët nga rrethet, që përpëlitjet e fundit të marrin befas pamjen e një dallge televizive, të cilën vetëm Kremlini mund ta shohë me admirim!”, shkruan rama në Twitter.
