Këshilltari i qeverisë ukrainase ka deklaruar së fundmi se pret që lufta të përfundojë jo më vonë se deri në fillim të majit.
Kjo sipas tij do të ndodhë kur Rusisë t’i mbarojnë burimet për të sulmuar fqinjin e saj.
“Unë mendoj se jo më vonë se në maj, në fillim të majit, ne duhet të kemi një marrëveshje paqeje”, u shpreh Oleksiy Arestovich, një këshilltar i shefit të kabinetit të presidentit ukrainas, në një deklaratë të hënën vonë.
Nga ana tjetër këshilltari përshkroi dy rezultate të mundshme në muajt në vijim.
“Ose do të arrihet një marrëveshje paqeje shumë shpejt, brenda një ose dy javësh, me tërheqjen e trupave dhe gjithçka, ose do të ketë një përpjekje për të bashkuar disa sirianë për një raund të dytë dhe, kur t’i bluajmë edhe ata, një marrëveshje deri në mes të prillit ose në fund të prillit”, tha ai.
Nga ana tjetër bëhet me dije se Arestovich nuk është i përfshirë personalisht në bisedimet midis Ukrainës dhe Rusisë
