Presidenti ukrainas, Volodymir Zelensky ka deklaruar se Rusia ka shkelur armëpushimin dhe ka sulmuar në korridoret humanitare.
Sipas tij, dy qytetet, Mariupol dhe Volnovakha janë plotësisht të bllokuara nga rusët. Ai ka thënë se tanket ruse, kanë hapur qëllimisht zjarr mbi korridoret humanitare, duke shënuar kështu dhjetëra civilë të vrarë.
“Mariupol dhe Volnovakha janë të bllokuara. Rusët shkelën armëpushimin dhe tanket e tyre kanë hapur qëllimisht zjarr mbi korridoret humanitare, që janë korridore jete”, ka thënë Zelensky.
Kujtojmë se sot është dita e 16 e luftës në Ukrainë. Dëmet janë të shumta në të dyja kampet, ndërsa luftimet më të ashpra janë duke u zhvilluar në tre qytete, Kiev, Kharkiv dhe Mariupol.
