PD është përgjigjur ndaj deklaratës që Noka bëri në momentin kur votoi në Vorë, ku tha se nënkryetarja e demokratëve, Jorida Tabaku nuk duhet kurresi të akuzonte “Shtëpinë e Lirisë” për mungesën e komisionerëve nëpër qendra votimi.
Në reagimin e bërë, PD deklaron se kryeministri Rama dhe ish kryeministri Berisha ishin bërë bashkë kundër komisionerëve demokratë në Vorë duke mos i lënë këta të fundit të hynin në KZAZ me pretekstin se nuk ishin banorë të zonës.
Deklarata e Plotë e PD:
Individe që janë pasuruar në kurriz të PD, me votat e demokratëve kanë vijuar edhe sot të sulmojnë PD. E gjithë Vora e di se Flamur Noka ka trafikuar votat e demokratëve për llogari të djalit të Aqif Rakipit në zgjedhjet e 25 prillit. E gjithë Vora dhe Rrogozhina e di se Keltis Kruja ka punuar për Aqif Rakipin. Prandaj dhe sot u bënë bashkë kundër komisionerëve të PD.
PD nuk mbetet peng i të korruptuarve, as kriminelëve me të cilët këta individë bëjnë pazare në kurriz të demokratëve.
Edhe sot, Berisha i bashkoi votat me Ramën kundër Partisë Demokratike.
https://www.facebook.com/partiademokratike/posts/506914850794289
