Kur kanë mbetur më pak se 60 minuta nga mbyllja e qendrave të votimit në 6 bashkitë e vendit, pjesëmarrja e votuesve vazhdon të jetë e ulët.
Sipas Komisionit Qendror të Zgjedhjeve në total deri në orën 18:00 kanë votuar 29.33%.
Sipas këtyre të dhënave, Dibra kryeson me pjesëmarrjen më të lartë, e cila shkon në 42.37%. Më pas Vora me 39.13%, pasohet nga Lushnja me 35.01%. Më pas në Rrogozhinë kanë votuar 29.73%, Shkodra 27.01 dhe Durrësi me pjesëmarrjen më të ulët 25.26%.
