Kryedemokrati Lulzim Basha zhvilloi një takim elektoral me qytetarët e Dibrës këtë të enjte në kuadër të zgjedhjeve të pjesshme vendore në mbështetje të kandidatit Luan Haka.
Kreu i Partisë Demokratike, ka publikuar në profilin e tij në Facebook, një video përmbledhëse nga takimi.
Sipas tij, shqiptarët duhet të ecin përpara çdo ditë. Basha shkruan se me Luan Hakën, dibranët kanë mundësinë ta kthejnë Bashkinë në shërbim të qytetarëve, dhe oj të një grushti njerëzish.
Postimi i Lulzim Bashës:
Shqiptarët duhet çdo ditë të ecin përpara, të mos qëndrojnë në vend ose, akoma më keq, të ecin mbrapa. Në 6 mars, duke votuar për Partinë Demokratike dhe Luan Hakën, dibranët kanë mundësinë ta kthejnë Bashkinë në shërbim të qytetarëve dhe jo të një grushti njerëzish që e kanë marrë peng për vite me rradhë.
Është koha që rinia dibrane të mos largohet, por të qëndrojë, të luftojë, të rezistojë dhe të votojë për ndryshimin. Ndryshimin e sjell vetëm Partia Demokratike! Voto Partia Demokratike. Voto Luan Haka, për Dibrën. Voto Nr. 2
