Ushtria e Ukrainës bën bilancin e fundit mbi humbjet që i ka shkaktuar palës ruse në tetë ditë luftime. Kështu, Shtabi i Përgjithshëm i Forcave të Armatosura në Ukrainë thotë se rreth 9000 ushtarë rusë janë vrarë ose plagosur.
Ukraina njofton gjithashtu se ka shkatërruar 217 tanke, 90 sisteme artilerie, 31 helikopterë, 30 avionë.
Nga ana e saj, Rusia dje për herë të parë dha një numër specifik të viktimave që kishte pësuar në Ukrainë, duke thënë se 498 ushtarë rusë kishin vdekur dhe gati 1600 ishin plagosur. Rusia tha se ka vrarë 2870 ushtarë ukrainas.
