Mbi 15 mijë mjekë rusë dhe punonjës të tjerë të personelit shëndetësor i kanë dërguar një letër të hapur Presidentit Vladimir Putinit.
Ata kanë një kërkesë të vetme, që kreu i shtetit të ndalojë luftën kundër Ukrainës. Në dokumentin e botuar në British Medicial Journal, mjekët theksojnë:
“Kundërshtojmë fuqimisht veprimet ushtarake të kryera nga forcat e armatosura ruse në territorin e Ukrainës. Misioni ynë është të shpëtojmë jetë. Në këtë moment të vështirë për të dy vendet, ne kërkojmë ndërprerjen e menjëhershme të armiqësive. Jeta është e paçmuar”, thuhet në deklaratë.
