Moti i keq, me reshje të dendura dëbore e erë të fortë, ka përfshirë vendin, ndërsa në veri dhe juglindje dëbora ka arritur në disa centimetra trashësi. Për pasojë, aksi i rrugës së Arbrit, bypass-Qafë Murrizë është bërë i pakalueshëm për mjetet.
Për këtë arsye Policia Rrugore apelon drejtuesit e mjeteve që të ndjekin aksin e vjetër Klos-Burrel-Ulëz, deri në pastrimin e bypass.
Policia Rrugore ka shtuar prezencën e saj në të gjitha akset rrugore, dhe apelon për kujdes të shtuar në drejtimin e mjetit.
Moti i keq ka përfshirë edh qarkun e Korçë. Prej tre ditësh në errësirë dhe në të ftohtë ka mbetur bashkia e Pustecit, ndërsa shqetësuese paraqitet situata lidhur me energjinë elektrik edhe në Devoll.
Të paktën 25 shtylla kanë rënë si pasojë e motit të keq, duke lënë pa energji elektrike shumë fshatra në Maliq, Kolonjë e Pogradec. Ndërkohë fshati Panariti është ende i bllokuar për shkak të dëborës.
