Ambasadori ukrainas në vendin tonë, Volodymyr Shkurov ka dalë në një deklaratë për media, së bashku me bashkëshorten e tij, ditën e sotme.
Ata i kanë bërë thirrje ukrainasve që ndodhen në vendin tonë, por dhe popullit shqiptar për të protestuar pranë ambasadës rusë, duke shtuar se protesta do të zhvillohet nesër, në orën 17:00.
Ndër të tjera ata thanë se 35000 ushtarë rusë janë vrarë gjatë luftimeve, duke theksuar dhe një herë thirrjen për Kryqin e Kuq për të tërhequr trupat e të vrarëve.
“Ukraina është e pajisur me armë por ekziston nevoja për ndihmë, edhe për humanitare. Në ambasadë është ngritur një seli për ndihmën humanitare. Kushdo që ka kontaktuar më parë me ambasadën tani mund ta bëjë vërtet. Falenderoj shumë popullin shqiptar për mbështetjen pa kompromis”, tha Shkurov.
“Femrat kane forcë më të madhe ndonjëherë, nëse keni zemër ju ftoj të dilni në rrugë, për çdo femër nuk ka gjë më të keqe se sa të shohë lotët e fëmijëve të tyre.
Ju bëj thirrje nënave të Rusisë dhe shpreh keqardhjen qe ju do merrni fëmijët tuaj të vdekur, numri i të cilëve ka shkuar në mbi 3500 tashmë . Kryqi i Kuq të shkojë e të tërheqë trupat e ushtarëve të vrarë. Ju bej thirrje të marrin djemtë e tyre.
U bëj thirrje ukrainasve që janë këtu të bashkohen, të organizohemi që të ofrojmë çfarë do ndihmë, të bashkohemi brenda zyrës në ambasadë.
Kemi marrë një njoftim që nesër pranë ambasadës ruse në orën 5 do mbahet një protestë. Jeni të ftuar të na bashkoheni. Ju faleminderit përzemërsisht.”– deklaroi bashkëshortja e ambasadorit.
