Këshilltari i Kremlinit, Andrey Kortunov, Drejtor i Përgjithshëm i Këshillit të Çështjeve Ndërkombëtare Ruse, i tha sot “BBC” se lufta në Ukrainë mund t’i kushtojë Presidentit Vladimir Putin, duke ulur ndjeshëm popullaritetin e tij.
“Ne e dimë se ka pasur demonstrata të shumta kundër luftës në Rusi de një mori personalitetesh e influencuesish rusë kanë treguar kundërshtimin e tyre ndaj luftës”, ka thënë këshilltari Kortunov.
Ai i ka thënë “BBC” se edhe shumë nga kolegët e tij në Ministrinë e Jashtme ka qenë “shumë të befasuar, të tronditur dhe madje të shkatërruar”, kur kanë parë se çfarë po ndodhte, duke shtuar se “Vendimi për të pushtuar Ukrainën është marrë në Kremlin”.
Më tej, ai ka shtuar se plani fillestar i Putinit ka qenë që të përfundonte operacionin brenda dy javësh. “Nëse ai e bën këtë, ndoshta dëmi do të jetë i kufizuar, nëse ai dështon ta bëjë këtë, atëherë popullariteti i tij ka të ngjarë të bjerë”, ka shtuar ai.
