Një 38-vjeçar nga Berati është arrestuar pasi dyshohet se vodhi një laptop dhe më pas i vuri zjarrin banesës ku kishte hyrë të grabiste.
Mësohet se shtetasi K.E është kapur në flagrancë nga efektivët, teksa pasi kishte vjedhur kompjuterin, i ka vënë zjarrin banesës për të fshehur gjurmët.
Policia sekuestroi nga banesa e 38-vjeçarit disa fishekë luftarakë, çelësa bravash, lapropin e vjedhur si dhe disa orendi shtëpiake që dyshohet se janë vjedhur më parë.
Njoftimi i policisë:
Efektivët në Komisariatin e Policisë Berat, arrestuan në flagrancë shtetasin K.E., 38 vjeç, banues në lagjen “Kushtrim”, Berat, pasi në lagjen “30 vjetori”, në banesën e shtetasit E.Xh., ka vjedhur në LapTop dhe më pas i ka vënë zjarrin banesës.
Pas marrjes së njoftimit shërbimet e policisë kanë shkuar në vendngjarje sëbashku me zjarrfikësen ku është bërë e mundur fikja e zjarrit, identifikimi dhe kapja e autorit.
Gjatë kontrollit në banesën e shtetasit K.E., u gjetën dhe u sekuestruan në cilësinë e provës materiale fishek luftarak, disa çelsa bravash, 1 Lap Top dhe disa orendi shtëpiake të cilat dyshohet të jenë vjedhur më parë.
Në vijim të veprimeve hetimore shtetasi K.E, dyshohet të jet autor i një vjedhje të ndodhur më parë në banesën e shtetasit M.Zh., ku ka marrë disa orendi shtëpiake.
Materialet i kaluan Prokurorisë së Rrethit Gjyqësor Berat për veprime të mëtejshme.
