Një 44 vjeçar nga Saranda është futur në telashe me policinë, e cila e ka shpallur në kërkim pasi nuk mundi dot ta kapte kur ai ia mbathi me makinë duke mos lejuar kontrollin e tij dhe mjetit.
Burimet për Panorama thanë se në kërkim për veprat penale “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik” është shpallur shtetasi Elton Shehu 44 vjeç, banues në Sarandë.
Mësohet se në vendin e quajtur Kanali i Cukës në hyrje të Sarandës, ai ka ndaluar si fillim pas sinjalizimit të patrullës, por i ka kundërshtuar efektivët që donin të kontrollonin mjetin dhe është larguar me shpejtësi.
Pas tij u vunë në ndjekje forcat e policisë “Shqiponja”, por 44-vjeçari ka arritur t’ja mbathë duke humbur gjurmët.
“Specialistët e Hetimit të Krimit në Komisariatin e Policisë Sarandë shpallën në kërkim për veprat penale “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”, shtetasin E. Sh., 44 vjeç, banues në Sarandë, pasi nuk i është bindur urdhrit të punonjësve të Policisë për të ndaluar dhe është larguar nga pika e kontrollit.
Materialet i kaluan Prokurorisë, për veprime të mëtejshm
