Largimi i Sali Berishës nga Partia Demokratike I jep një mundësi kësaj force politike të grupohet dhe thithë Brenda saj të djathtën klasike që deri tani nuk e votonte atë pikërisht për shkak të ish-kryeministrit.
Gjatë intervistës për News 24, Ngjela thotë se Basha tani ka mundësinë që të formojë fluksin e tij me intelektualë, teksa shprehet se Berisha dështoi juridikisht të kishte logon e tij në zgjedhjet e 6 Marsit.
Mendoni se SPAK ka nisur të vendosë Drejtësi në Shqipëri? Ka shumë Kritika për SPAK…
Nuk janë profesionistë ata që kritikojnë. SPAK nuk është aq e lehtë të mendosh që mund ti krijojë provat me 3 muaj. Duhet të kuptojmë një gjë: në qoftë se kemi krijuar një pushtet të ri gjyqësor duhet të dominojë prova, jo dëshira. Provat janë shumë të vështira të mblidhen. Tani lind problemi, po nivelet e larta? Ka filluar edhe në nivelet e larta, është arrestuar një ish- ministër, edhe majtas, me lidhje në sferat e larta të së majtës. Sekretari i Shtetit deklaroi se “SPAK e drejtojmë ne”. kemi shpresë që ata do ta drejtojnë me drejtësi.
Si e shikoni fundin e rrugës në të cilën po ecën PD-ja?
E shoh me optimizëm. Eliminimi i Saliut krijon rigrupimin e të djathtës. Neo komunizmin në të djathtën shqiptare e ka futur Berisha. PD-ja që drejtohet nga Basha është person juridik, të tjerat janë fantazma. Veprimet e Saliut janë juridikisht të pavlefshme. Ku do jetë fitimi I PD-së që do drejtohet nga Basha i cili po e merr veten? E djathta ka abstenim të madh në votime. E djathta klasike nuk voton për Saliun. Tani ky abstenim do vijë dhe do ti japë vlerë të re PD-së që do drejtohet nga fluksi k Bashës dhe Basha duhet të formojë një fluks të nivelit të lartë intelektual.
6 Marsi është shumë afër dhe do jetë një provë për PD-në dhe grupimin e Berishës…
Saliu dështoi, u fut me listën e partive të tjera. U bashkua me Ilir Metën. U fut në listat e LSI-së. ky është dështim, ju e dini fitore këtë? PD-ja fitoi gjyqin, u shpall si e vetmja forcë politike me të drejta juridike. Saliu gënjeu për votimet, ai thoshte kemi 1 mijë kur kishte 300.
Keni besim që Basha i shkëputur tani plotësisht nga Berisha, vendimet e tij politike do të jenë vendime që do e shpallin PD-në fituese?
Nuk e kuptoni që Berisha mbahej nga Rama? E mban mend fushatën e fundit elektorale, e di si thoshte Rama? “Nuk po votoni për Bashën, po votoni për Saliun”. Ekzistenca e Saliut e mban Ramën në pushtet. Tani Rama është trembur nga Basha.
A jeni ofruar të ndihmoni PD-në me ekspertizën tuaj ligjore, intelektuale?
Jo. Në këto momente nuk kam ndonjë marrëdhënie të drejtpërdrejtë në këshillim, por jam në mendimin tim përmes statuseve, shtypit dhe televizionit.
