Kryeministri Edi Rama është sot i ftuar ne emisionin “Tonight” Ilva Tare. I pyetur për ndryshimet kushtetuese që Partia demokratike do të bëj, Rama tha:
Tare: Sot PD ka depozituar në kuvend një iniciativë për ndryshimin e Kushtetutës, për atë që partia më e madhe në opozitë e konsideron si futjes në kushtetuetshmëri të prokurorit të përgjithshëm.
Keni koment për këtë iniciativë dhe c’do të bëni? Do ta pranoni?
Rama: Të shkojnë të marrin mbështetjen e Shteteve të Bashkuara, Bashkimit Europian për këto ndryshime dhe më pas hajde të ulemi të diskutojmë.
Tare: Ata ju kanë ju kundër, nuk kanë ShBA në qeverisjen e vendit.
Rama: Ndërkohë që Shqipëria ka partner Shtetet e Bashkuara dhe BE, kjo reformë pa Shtetet e Bashkuara dhe BE nuk do të ishte kurrë e mundur sepse ishin ato që jua futën të dyja këmbët në një këpucë të gjithë atyre që sot gjuajnë me këpucë dhe kërkojnë të kthejnë përmbys një proces që nuk ndalet më.
