Është prezantuar këtë të martë logoja zyrtare me të cilën do të marrin pjesë në zgjedhjet e pjesshme Grupi i Rithemelimit dhe LSI
Por nga një kërkim i kryer nga Gazeta Shqip, siç duhet edhe në foton e mëposhtme logoja dhe emri i koalicionit është i ngjashëm me atë të përdorur nga Silvio Berlusconi në zgjedhjet e vitit 2001 në Itali.
“La casa delle liberta” ishte emri i koalicionit i drejtuar nga Berlusconi që rezultoi fitues në vitin 2001 në Itali ndërsa logoja është kjo që shihni më poshtë.
Siç shihet identike në formë e përmbajtje, e vetmja gjë që ndryshon është flamuri që në rastin e koalicionit të Berishës dhe Kryemadhit është vendosur ai shqiptar.
Nga ana tjetër, po ditën e sotem është zbardhur nga ana e koalicionit edhe marrëveshja e firmosur mes palëve.
Në dokument thuhet: “Sot më datë 31.1.2022, ne partitë politike të mëposhtme:
Ne po bashkohemi, si parti dhe si qytetarë, për t’i sjellë ndryshimin Shqipërisë.
Të gjithë e dimë që duhet ndryshim. Shqiptarët janë të fortë. Shqipëria është e fortë. Ka vetëm një njeri përgjegjës për dështimin e Shqipërisë në 8 vitet e fundit dhe ky është Edi Rama. Ne po ndajmë të njëjtat vlera e parime.”
