Pas denoncimit të banorëve në Report Tv se në Kepin e Rodonit që është zonë e mbrojtur po pritet pyjet, policia ka proceduar penalisht dy persona, të cilët janë kapur duke prerë pemët me motosharra.
Policia e Durrësit kapi në flagrancë A. Z., 53 vjeç, banues në Shetaj, Durrës, i cili dispononte një motosharrë për prerje të pemëve dhe një automjet për transportin e tyre dhe G. V., 32 vjeç, banues në Ndraç, Durrës, i cili u kap në flagrancë në Kepin e Rodonit, duke transportuar lëndë drusore me automjet.
Edhe këtij shtetasi iu gjet një motosharrë me të cilën kishte prerë në mënyrë të paligjshme, pemë në Kepin e Rodonit.
Gjithashtu u bë sekuestrimi në cilësinë e provës materiale, i dy motosharrave, dy automjeteve, dhe dy metër kub lëndë drusore.
