Hazbi Hajdini humbi jetën në spital, pas përpjekjeve titanike të tij për t’i mbijetuat plagëve të marra nga përplasja nga një furgon ditën e hënë në Savignano sul Panaro.
Dëmtimet që mori shqiptari ishin të rënda, ndaj dhe mundësitë për të jetuar shuheshin me kalimin e orëve.
Shqiptari ishte dërguar me urgjencë në spitalin e Bologna-s pas aksidentit, por përpjekjet e mjekëve nuk mjaftuan.
53-vjeçari shqiptar kishte vite që jetonte në Itali, me gruan dhe fëmijët e tij.
Mediat italiane shkruajnë se tashmë u takon autoriteteve të vendosin për fatin e shoferit të makinës që u përfshi në aksident, një 65-vjeçar italian.
