Një sherri i çastit ka përfshirë 4 persona në qytetin e Pejës në Kosovë. Një person u sulmua fillimisht fizikisht nga dy të tjerë.
Më pas ka ndërhyrë edhe gruaja e viktimës, e cila i ka sulmuar fizikisht dy personat që ia rrahën burrin.
Rasti ka ndodhur mëngjesin e së dielës në Pejë, ka bërë të ditur policia. Përveç dy të dyshuarve, policia ka arrestuar edhe gruan, e cila më pas është liruar me vendim të prokurorit.
“Pejë, 23.01.2022 – 09:53. Viktima mashkull nga Kosova, ka informuar se pas një mosmarrëveshje është sulmuar fizikisht nga dy të dyshuarit meshkuj kosovarë, gjatë përleshjes gruaja e viktimës e dyshuara femër kosovare kishte sulmuar fizikisht dy të dyshuarit. Viktima ka pranuar tretman mjekësor. Tre të dyshuarit janë arrestuar dhe me vendim të prokurorit, dy të dyshuarit janë dërguar në mbajtje, ndërsa e dyshuara është liruar në procedurë të rregullt”, ka bërë të ditur policia.
