Një ngjarje e rëndë ka tronditur Greqinë, ku një 36-vjeçar shqiptar ka rënë në prangat e policisë, pasi akuzohet se ka abuzuar seksualisht me vajzën e tij 7-vjeçare.
‘Zougla.gr’ shkruan se ngjarja në fjalë u regjistrua në Salaminë të Greqisë. Ka qenë nëna e vogëlushes ajo që ka parë se e bija kishte hemorragji në organet gjenitale, ndërsa e ka dërguar me urgjencë në spitalin e Athinës. Pasi vajza iu nënshtrua kontrollit mjekësor, bluzat e bardha vunë re se me të ishte abuzuar seksualisht. Vajza iu nënshtrua ndërhyrjes kirurgjikale.
Mediat greke raportojnë se drejtori i klinikës së Kirurgjisë, arriti të mësonte se përdhunuesi i 7-vjeçares ishte vetë babai i saj, ndërsa ai bëri edhe denoncimin në polici. Tashmë shqiptari, që jetonte prej vitesh në Greqi me familjen është në paraburgimin e Tripolit. Ndërkohë, vajza e vogël ndodhet në spital, ku përveç ndihmës mjekësore po merr edhe trajtim me psikologen, bashkë me nënën e saj, për shkak edhe të traumës së përjetuar.
