Turqia ka nisur që ta trajtojë formalisht Covid-19 si një grip të thjeshtë dhe të lehtësojë masat kufizuese në disa rajone dhe sektorë.
Sipas agjencisë shtetërore të lajme, Anadolu, autoritetet nuk do t’u kërkojë më individëve të pavaksinuar që të bëjnë një test PCR për COVID-19 përpara se të përdorin aeroplanë, autobusë ose mjete të tjera transporti, ose përpara se të ndjekin ngjarje të tilla si koncerte, shfaqje ose filma.
Duke cituar ministrinë e brendshme, Anadolu tha se nëpunësit civilë të pavaksinuar, punonjësit e sektorit privat dhe personeli i shkollës gjithashtu nuk do t’u kërkohet të bëjnë më një test PCR.
Drejtori i Përgjithshëm i Turkish Airlines, Bilal Eksi, tha veçmas në Twitter se kompania nuk do të kërkojë teste PCR në fluturimet e brendshme.
Numri i rasteve të reja në Turqi ka pësuar rritje nën valën e Omicron, por autoritetet thonë se shtrimet e reja në spitale mbeten të ulta, ndërsa sistemi shëndetësor është në gjendje që të përballojë një fluks edhe më të madh.
Thirrje për ta trajtuar Omicron si grip ka bërë edhe Spanja. Qeveria spanjolle deklaroi se ka ardhur koha që ky debat të hapet në Bruksel.
