Sulmuesi i Kombëtares shqiptar, Azdren Llullaku ka konfirmuar se ka ndërprerë kontratën me klubin aktual nga Kazakistani, Astana.
“Sot mbylla aventurën time me Astanën. Dua të falënderoj tifozët, klubin, lojtarët dhe këdo që e do Astanën dhe punon për të. Paçi fat të gjithë”, shkroi Llullaku në Instagram.
Aventura e Llullakut me Astanën duket se nuk ka përfunduar mirë. Ai luajti pjesën e dytë të sezonit të kaluar me ta, duke shënuar vetëm një gol, ndërsa këtë sezon ka qenë i huazuar te Tobol.
