Greqia nuk i ka shpëtuar krizës energjetike që ka prekur të gjithë Europën. Për të minimizuar ndikimin e kësaj krize te familjet në nevojë dhe bizneset, qeveria greke ka akorduar një fond prej 400 mln eurosh.
Kryeministri grek, Kyriakos Mitsotakis tha nëpërmjet një deklarate se qëllimi është shmangja e rritjes së kostos së prodhimit dhe ndikimin në çmimet e produkteve.
“Theksi është padyshim në lehtësimin e familjeve. Por ne gjithashtu do të ndihmojmë bizneset të qëndrojnë në rrugën e zhvillimit, duke ruajtur vendet e punës. Dhe, kryesisht, ne duam të shmangim rritjen e kostos së prodhimit dhe kalimin e kësaj të fundit në çmimet e produkteve. Është një plan i guximshëm, por në të njëjtën kohë një plan real ndihme. Ndihmë në të tashmen, pa rrezikuar të ardhmen”, tha Mitsotakis.
