Teksa ju bëri thirrje protestuesve që të shpërndahen, ish-kryeministri Sali Berisha tha se shumë shpejt do të njoftojë protestën e radhës.
Në një deklaratë për media, Berisha deklaroi se beteja nuk do të ndalet kundër asaj që ish-kryeministri e quan “narkoqeveri dhe narkoopozitë”.
“Përpjekjet për të çliruar shtëpinë e lirisë do të vazhdojë deri në arritjen e qëllimit. Sot do të shpërndahemi, do të kujdesemi për të arrestuarit dhe të plagosurit. Do të njoftojmë shumë shpejt betejë tjetër, e cila nuk ndalet kurrë. Kjo betejë dëshmon edhe një herë se sa jetike është përpjekja jonë për ta bërë Shqipërinë me demokraci të vërtetë. Ta mbyllim sot këtu për ta vazhduar në forma edhe më të fuqishme se sot”, tha Berisha.
