– Bejtullah Deliu ka qenë ditën e sotme në një lidhje të drejtpërdrejtë me emisionin “Shqipëria Live” për të folur për rrëmbimin e djalit të tij 10-vjeçar nga fqinji 51-vjeçar. Arsyeja është se tre fëmijë i kanë thyer xhamin e makinës, ndërsa fqinji ka zgjedhur të rrëmbejë djalin e Deliut.
Babai i të miturit ka rrëfyer se fqinji e ka mbyllur në oborrin e shtëpisë dhe kur djali ka tentuar të largohet, e ka kapur për fyti. Kjo e shqetëson Deliun, i cili thotë se është i irrituar dhe e cilëson të papranueshme faktin që e ka mbyllur fëmijën dhe ka tentuar të kapë 2 shokët e tij.
Rrëfimi i plotë i Bejtullah Deliut:
Orgesi është më mirë, po e merr veten. Isha duke pushuar, se më dy janar festova ditëlindjen time, e më 3 janar po pushoja. E pas gëzimit, erdhi ky hidhërim. Kur hyri në dhomë, nuk jam mësuar ta shoh ashtu.
Bisedë pas bisede e kuptova ngjarjen në hollësi. Djali erdhi duke qarë, duke u dridhur. Në shikim të parë mendova se është zënë me fëmijët, por kjo pamje më shqetësoi.
Kuptova se ai ishte marrë në një farë forme peng, e më pas nga një 51-vjeçar. Nuk mundi të fliste. Më tha se të thërret djali i xhaxhait, që të merrnin masa që të mos reagoja keq.
Në ato momente nuk mendova gjë tjetër veçse të merrja policinë e Kosovës. Ishin dy shenja nga thonjtë, që e kishte kapur për fyti. E më pas kuptova se ka pasur pak të rrahura edhe në trup, e ka goditur me kabull. E njoftova policinë.
Kur ka tentuar të kalojë murin rrethues, e ka kapur fytin dhe kjo më ka irrituar më tepër. Ndonjë goditje të lehtë është e pranueshme. Atë natë jam takuar në dhomën tjetër dhe më kërkoi falje, më tha e di si je ndjerë si prind, dola jashtë kontrolli. Nuk them që e ka pasur personale me mua, familjen apo Orgesin.
Ka tentuar të marrë 3 shokët. Qëllimi për mua është pa sens. Cili është qëllimi pas mbylljes në oborr? Më irriton fakti që nëse një 10 vjeçar e mbyll dhe vrapon pas tjerëve, nuk e kuptoj qëllimin për t’i mbyllur, çfarë ka dashur të arrijë. Ishin dy zyrtarë policorë që pse merresh me fëmijën? Mund të vije tek shtëpia ime dhe më tha nuk do kishe pranuar.
Kjo është edhe më irrituese nëse ke inskenuar se si do të ishte po të më lajmëronte, ka zgjedhur ta marrë situatën në dorë vetë. Fakti i mbylljes me çelës, e izolon dhe e kap për fyti kur tenton t’ia mbathë nga muri dhe i thotë “tani do shohësh kush jam unë”, kjo është e papranueshme.
