1 janari 2022 shënon fillimin e mandatit të Shqipërisë në Këshillin e Sigurimit të OKB-së. Në një postim në llogarinë e saj në Twitter, ambasadorja amerikane Yuri Kim shprehet se SHBA i uron mirëseardhjen Shqipërisë në këtë Këshill.
Kryediplomatja amerikane shkruan se SHBA është krenare që ulen si kolegë tashmë me Shqipërinë në një nga tryezat më të rëndësishme në botë.
YURI KIM NË TWITTER
Për herë të parë, 66 vjet pas anëtarësimit në OKB, Shqipëria ulet në tryezën më të lartë për paqen, sigurinë dhe stabilitetin. Shqipëria u paraqit si kandidaturë konsensuale e Grupit të Vendeve të Evropës Lindore.
Shqipëria u pranua anëtare e OKB-së në 14 dhjetor 1955 dhe pas 66 vitesh anëtarësie, u votua për herë të parë për të qenë anëtare e përkohshme e Këshillit të Sigurimit të OKB për një mandat 2-vjeçar. Mandati fillon më 1 janar 2022.
