Një incident i rënd është regjistruar në një kopsht zoologjik në Francë. Një tufë me 9 ujqër është arratisur nga rrethimi gjatë orës së vizitave.
Kjo ka alarmuar autoritetet në jug të Francës, të cilët kanë mbyllur përkohësisht kopshtin zoologjik.
The Guardian shkruan se asnjë njeri nuk u lëndua në incidentin fundjavën e kaluar në kopshtin zoologjik Trois Vallées në Montredon-Labessonnié në rajonin jugperëndimor Tarn. Ndërkohë katër nga ujqit u qëlluan për vdekje nga punonjësit e parkut dhe pesë u anestezuan nga zyrtarët lokalë në vendngjarje.
