Incidenti i sotëm në selinë e PD-së, ku një nga mbështetësit e Berishës hapi me forcë derën e një salle, është për analistin Arjan Curri treguesi i parë se lufta e paralajmëruar prej kohësh në PD sapo ka nisur. Në studion e lajmeve të MCN TV, Curri tha se lufta për pushtet dhe në mënyrë të veçantë ajo brenda llojit mund të prodhojë edhe viktima, nëse ndërhyrhet në kohë.
“Filloi sot me shkelmim dyersh, filloi lufta. Katin e parë e ka kapur grupi i Berishës. Tarracën grupi i Bashës. Dëshira për pushtet dhe oreksi i pangopur për të marrë PD do të çojë në një përplasje të pashmangshme. Mund të ketë edhe të plagosur. Institucionet janë shpikur që turmat të mos përplasen me njëra-tjetrën.
Në rendin e njeriut të shpellave ka arritur edhe PD, ku bandat përplasen me njëra-tjetrën. Urojmë që të mos ketë të pafajshëm që ta hanë. Sot për sot selia e PD është vendi më i rrezikshëm për integritetin fizik të një njeriu.
Mund të duket çudi, por ne kemi prodhuar viktima në situata të tilla. Lufta brenda llojit është akoma më e egër. Nëse nuk ndërhyhet në kohë, gjëra të tilla do të shohim”, tha ai
