Liverpool i dha fund ecurisë pa humbje prej 30 ndeshjeve të City-t me Firmino, Mane dhe Salah që shënuan brenda 10 minutave gjatë pjesës së dytë.
Klopp është bërë trajneri i vetëm që ka arritur të mundë plot 5 herë Pep Guardiola-n, si askush tjetër, dhe pas ndeshjes gjermani ka thurur elozhe për paraqitjen e të dyja skuadrave.
“Wow! Çfarë ndeshje! Dy skuadra që luanin me këmbën në gaz për 90 minuta.
“Ishte një ndeshje historike e cila do të flitet edhe pas 20 viteve pasi dukej sikur City nuk do të humbiste asnjëherë këtë sezon.
“Njerëzit rreth e qark botës e kanë parë këtë ndeshje dhe arsyeja është sepse të dyja skuadrat luajtën me zemër deri në fund.
“I shkaktuam shumë probleme. Nuk kisha frikë në fund. Nëse mikson mentalitetin me cilësinë, kjo ndeshje është rezultati.
“Normalisht do të ketë edhe nga ata që do të ankohen për mbrojtjen, por nuk më interesojnë.”
