Saimir Tahiri i është drejtuar këtë të mërkurë Kuvendit të Shqipërisë për të depozituar dy nisma të tijat të konkretizuara në projektligje gjatë kohës që ai drejtonte Ministrinë e Punëve të Brendshme, por që nuk mundën të miratoheshin.
Dënimi me gjobë deri në 3 vjet burg për personat që dhunojnë kafshët, ashpërsimi i dënimit për kultivuesit e drogës, duke sjellë ndryshime në Kodin Penal.
Në një prononcim për mediat, deputeti i Partisë Socialiste Saimir Tahiri tha se nuk mund të ketë dënim të njëjtë si për personin që kapet me 1 gram, dhe si për atë që kultivon drogë me tonelata.
“I kam rikujtuar Parlamentit ndryshimet ne Kodin Penal per kultivmimin e trafikimin e drogës, të pashembullt është vetëm Shqipërua vendi ku lejohet të dënohet njëlloj ai që kapet me 1 gram dhe ai që kapet duke trafikuar tonelata hashash, si ai që kultuvon 10 rrënjë hashash si ai tjetri që kultivon hektarë të tëra.Kjo ka shërbyer si një mënyrë për të pasur më shumë pasdrejtësi dhe korrupsion ne gjykata, duke lëshuar nga duart ata që kanë mundësi të korruptojnë gjykatën. Parlamenti të dalë nga heshtja pas më snumë se sa 1 vit dhe t’i marrin në shqyrtim pa pritur më shumë kohë. S’na falet si shoqëri të ketë një drejtësi ndryshe për ata që s’kanë mundësi dhe ndryshe për ata që arrijnë ta korruptojnë”, tha Tahiri.
Në projektligj propozohet që konsumi dhe mbajtja për përdorim vetjak e një sasie të kufizuar lënde narkotike të konsiderohet shkelje administrative dhe jo penale, duke u bazuar edhe në praktikën e shumë vendeve europiane.
Më herët kur mbante detyrën e ministrit të Brendshëm, Tahiri pati bërë publike edhe propozimet konkrete për dënimin e trafikantëve.
“Shitja e tregtia e lëndës narkotike vepër penale e dënueshme nga 1 deri në 5 vjet burg për sasi të vogla, e 1 deri në 10 vjet burg në sasi më të mëdha. E njëjta gjë do vlejë edhe për kultivimin e bimëve narkotike, pra një dispozitë e veçantë për importimin, eksportimin, tranzistimin, mbajtjen blerjen e shitjen e farave të kanabisit. Do denohet nga 3-7 vjet, kultivimi në sasi mesatare, kultivimi në sasi që nuk janë më të vogla do dënohet me 1-3 vite, kultivimi në sasi të mëdha nga 5-10 vjet”, shprehej në atë kohë Tahiri.
Ja dënimet për trafikantët dhe kultivuesit 1- 3 vjet burg për sasitë e vogla
3- 7 vjet burg për sasitë mesatare
5- 10 vjet burg për sasitë e mëdha Dënimet sipas sasive të drogës 1- 5 vite burg për sasitë e vogla
10 vite burg për sasitë e mëdha
Dënimet për konsum vetjak
-Shkelje Administrative – Dënim me gjobë
Ndërkohë, referuar dhunës ndaj kafshëve, Tahiri tha se ky projektligj duhet të kalojë për të ndalur që më tej këta persona të bëhen edhe më problematikë, duke dhunuar më tej edhe familjarët e duke u kthyer kështu në rrezik për shoqërinë.
