Pak pas inaugurimit të godinës së Vettingut, vjen reagimi i kryeministrit Edi Rama, i cili u uroi suksese komisionerëve. Në një mesazh të shkurtër në ‘Facebook’, kreu i qeverisë dha mesazhin e qartë të këtij institucioni, duke shtuar faktin se qytetarët shqiptarë meritojnë një sistem drejtësie pa gjykatës. “Urime, kurajo, suksese komisionerëve të Vetingut! Njerëzit e këtij vendi meritojnë një sistem drejtësie pa gjykatës e prokurorë të korruptuar”, citohet në mesazhin e Ramës.
Komisionerët e Vettingut do të ushtrojnë veprimtarinë e tyre në godinën “ish Lidhja e Shkrimtarëve dhe Artistëve” që ndodhet në Rrugën e Kavajës. Procesi i vettingut, i cili pritet të nisë sa më shpejt, do të vendosë në sitë gjyqtarë dhe prokurorët.
