Në emisionin ‘Drejt’ nga Luan Rama në ‘RTV Ora’, gazetari i njohur i kronikës, Artan Hoxha ka komentuar arrestimin e ish-kryeprokurorit Adriatik Llalla, teksa vuri në dukje faktin se asnjë media italiane nuk e publikoi lajmin për arrestimin e tij. Sipas Hoxhës, atij si qytetar shqiptar i intereson që Adriatik Llalla, që deri dje ishte Prokuror i Përgjithshëm të marrë dënimin apo burgun që meriton.
“Asnjë media italiane nuk e publikoi lajmin, arrestimin e Llallës, sepse nuk kanë pasur informacion. Prandaj nuk ka pasur as lajme në Shqipëri. Mua si qytetar shqiptar më intereson që Llalla, që deri dje ishte prokuror i përgjithshëm dhe të marrë dënimin apo burgun.”, u shpreh ndër të tjera Artan Hoxha.
Hoxha vijoi më tej duke thënë se tani e dimë se ku është adresa e ish-Prokurorit të Përgjithshëm Llalla, ndërsa shtoi se për dënime të tilla, nën 4 vite, është e vështirë që të ndodhë ekstradimi i Llallës për dënimin e dhënë nga vendi ynë.
“Tani e dimë se ku është adresa e ish-Prokurorit të Përgjithshëm. Ai është në Itali dhe atje do të dërgohet dosja shqiptare. Me aq sa kam unë informacion, për dënime të tilla, nën 4 vite, është e vështirë që të ndodhë ekstradimi. Autoritetet tona nxitojnë në raste të tilla sepse u duket si sukses. E bëjnë qëllimisht këtë gjë. Për Klement Balilin tregonte një sukses për shtetin, ndërsa videoja që publikova unë me dorëzimin tregonte një diskretitim.”, u shpreh më tej Hoxha.
