Anëtari i Komisionit të Rithemelimit të PD, Çlirim Gjata ka deklaruar se referendumi i 18 Dhjetorit do të mbahet në ambiente të tjera shtetërore ose private. Gjata tha në Klan News se Komisioni nuk do që konflikti në PD të përfshijë edhe degët e PD në të gjithë vendin.
“Kemi udhëzuar që nuk ka nevojë t’i shtrijmë konfliktit ndërhyrje nëpër degë, por janë marrë të gjitha masat dhe referendumi do të zhvillohet shumë normal nëpër ambientet shtetërore për t’i marrë me qera për një ditë ose në një ambient privat”.
Gjata tha se Komisioni i Rithemelimit po diskuton për zhvillimin e protestave në vend.
“Po diskutojmë sipas ngjarjeve që do të vijën dhe rrethanave, pro në fillim jemi përqëndruar te referendumi i datës 18, por po diskutohet edhe çështja e protestave”.
PD do të zhvillojë në datën 18 Dhjetor Kuvend Kombëtar të thirrur nga kryesia e partisë, si dhe referendumin për të ratifikuar vendimet e Kuvendit Kombëtar të datës 11 Dhjetor.
