Zbardhen detaje të reja nga grabitja e filialit të Postës Shqiptare në zonën e Babrrusë, në kryeqytet, ku autorët kanë marrë një shumë prej 200 mijë lekësh dhe janë larguar me biçikleta.
sshuma e parave të grabitura ka qenë mbi banak të postës, kur dy autorët, të rinj në moshë, kanë hyrë brenda dhe i kanë marrë. Siç mëson gazetarja Bezat, autorët kanë kërcënuar punonjësit, duke iu thënë “shpejt lekët”, dhe ata nuk kanë bërë rezistencë.
Grabitësit, të cilët dyshohet se janë adoleshentë, kanë pasur grusht hekuri me vete, kapuça në kokë dhe shallë në fytyrë.
Menjëherë pas grabitjes, ata janë larguar me biçikleta në drejtim të Alliasit, ndërsa ngjarja është regjistruar nga kamerat e postës. Nga ana e saj, policia vijon krehjen e zonës për kapjen e autorëve.
