Situata brenda Partise Demokratike është tensionuar me shumë se asnjehere tjetër që prej themelimit të saj, 31 vite më parë.
Pas perplasjes Basha-Berisha dhe Kuvendit të 11 dhjetorit të mbajtur nga ky i fundit, sot është thelluar edhe më tej perplasja.
Kjo pasi, Sali Berisha këtë paradite ka hyrë ne selinë e PD me mbeshtetësit e tij, ndërkohë që Lulzim Basha ka qenë ne mbledhjen për raportimin e Grupit të Punës për zgjedhjet në FRPD, të cilin e vazhdoi përtej asaj që po ndodhte në seli.
Sali Berisha tha se ai nuk ka punë në zyrën e “deputetit Basha” siç e ka quajtur ai.
Kaosi vijoi kur Belind Këlliçi deklaroi se ka parë njerëz të armatosur në seli, teksa ka denoncuar live në Polici vjedhjen e zyrës së tij, siç e ka cilësuar, duke thënë se i janë marrë dokumente me vlerë.
Megjithatë, kjo nuk e ndaloi Berishen te mbante konferencë per mediat brenda selisë, teksa fill pas tij të njejtën gjë bëri edhe kryetari i PD, Basha i cili foli me tone të ashpra ndaj ish kryetarit duke e cilësuar atë si ish komunist.
Nga ana tjetër, deputetët qe janë në krah të Berishes po vijojne te qendrojne në oborrin e selisë blu.
Kujtojmë se sot Lulzim Basha mblodhi Këshillin Kombëtar të Partisë Demokratike, 251 anëtarët e të cilit votuan për shkarkimin nga të gjitha funksionet në PD të grupit të Berishës.
Më argumentin se kanë cenuar rëndë interesin elektoral dhe politik të Partisë Demokratike, shkarkimi ka nisur nga kryetari i Këshillit Kombëtar Edi Paloka, anëtarëve të kryesisë, Flamur Nokës, Aldo Bumçit, Gent Strazimirit, Albana Vokshit, Oerd Bylykbashit si dhe sekretarëve Ervin Minarolli, Ivi Kaso, Belind Këlliçi e Ledina Mandia, ku pritet dhe zëvendësimi i tyre me emra të rinj.
AlpeNews.al
