Kjo është situata aktuale në zonën përreth lumit Vjosë, ku hektarë të tëra toke janë përmbytur nga uji dhe gjithashtu edhe banesa. Gazetari Ervis Kuçi ka siguruar për “BalkanWeb” pamjet nga ajri të zonës së Fierit, në fshatrat e përmbytura nga Vjosa, ku duket qartë situata problematike dhe e rrezikshme për një pjesë të banorëve. Ndërkohë që qysh prej mëngjesit të sotëm ka pasur evakuime të shumta, ndërsa dëme deri tani ka në gjënë e gjallë dhe të mbjella.
Vjosa ka kaluar pikun e saj, por pritet që gjatë orëve të pasdites të ketë një rënie të nivelit dhe përmirësim të situatës. ndërkohë Ministria e Mbrojtjes iu ka bërë apel banorëve që duhet të evakuohen të mos bëjnë rezistencë.
