Zëvendës nddihmësi sekretari i Shtetit, Gabriel Escobar, ka përfunduar vizitën e tij në Shqipëri.
Axhenda nisi me takimin midis tij dhe kryetarit të PD, Lulzim Bashës, vijoi me ministrin e jashtme Olta Xhaçkën e u përmbyll me kryeministrin Rama, takim i cili zgjati rreth 1 orë. Ambasadorja Yuri Kim gjithashtu ishte e pranishme.
Vizita e tij përkoi me diten nderkombetare kundër korrupsionit dhe duket se mesazhet e forta lidheshin pikërisht faktin se askush nuk është i paprekshëm dhe se Shqiperia do të ketë të tjerë emra në listën e zezë gjatë diteve e muajve në vijim.
Në detajet që u zbardhen nga takimi me Bashës, u mësua se Escobar ka folur edhe për dosjen e Sali Berishës, pas shpalljes “non grata”.
Escobar është shprehur se lista e personave “non grata” për Shqipërinë pritet të shtohet në të ardhmen me personazhe të tjerë nga politika dhe fusha të tjera.
Ai ka theksuar se dosja e zotit Berisha është absurde dhe çmenduri të thuhet se është hartuar nga Soros. Ajo dosje ka nisur të hartohet nga administrata e shkuar dhe kjo e tanishme.
“Askush në pozitën e Zotit Berisha në të shkuarën nuk ka mundur të anancojë më tej agjendat e veta” ka theksuar Escobar.
Ai tha gjithashtu se DASH do të punojnë me institucionet shqiptare për të identifikuar biznesmenë që kanë vënë pasuri duke u ndihmuar me politikanë të korruptuar”.
Nga ana tjetër, edhe në takimin me kryeministrin Rama fokusi ishte lufta kundër korrupsionit por edhe bashkepunimi midis SHBA dhe Shqipërisë për integrimin.
Postimi i ambasadës amerikane pas takimit në kryeministri:
Escobar vuri në dukje fokusin e Shteteve të Bashkuara në luftën kundër korrupsionit, pandëshkueshmërinë dhe përpjekjeve për të minuar demokracinë në Ballkanin Perëndimor. Escobar mirëpriti forcimin e mëtejshëm të marrëdhënieve SHBA-Shqipëri, bashkëpunimin tonë në fushën e mbrojtjes si aleatë të NATO-s dhe krijimin e më shumë mundësive për tregti dhe investime.
Escobar mirëpriti gjithashtu punën e përbashkët midis Shteteve të Bashkuara dhe Shqipërisë për integrimin rajonal dhe global – veçanërisht kur të dyja vendet do të shërbejmë në Këshillin e Sigurimit të Kombeve të Bashkuara në 2022.”
AlpeNews.al
