Moti i keq me reshje shiu dhe bore ka sjellë problem në qarkullimin e automjeteve në disa akse kryesore të vendit.
Përmes një njoftimi Autoriteti Rrugor Shqiptar, ka treguar se problemet janë hasur në aksin Bajram Curri-Valbonë dhe Berat-Çorovodë, ku ka pasur rënie gurësh dhe inertesh.
Ndërkohë në Valbonë, duke filluar nga km 18 po bien reshje bore, por rruga është e hapur dhe qarkullimi vazhdon pa problem.
ARRSH u bën thirrje të gjithë drejtuesve të mjeteve që të jenë të pajisur me goma dimërore dhe zinxhirë
Njoftimi i plotë:
Vazhdojnë reshjet 
Në aksin Bajram Curri-Valbonë dhe Berat-Çorovodë ka pasur rënie të shumta gurësh dhe inertesh 
të cilat janë pastruar nga kontraktori dhe qarkullimi kryhet normalisht 
Në Valbonë duke filluar nga km 18 
po bien reshje bore, rruga është e hapur dhe qarkullimi vazhdon pa probleme. 
Drejtuesit e mjeteve duhet të jenë të pajisur me goma dimërore dhe zinxhirë
.
