Zjarr në një pallat në zonën e Freskut, në Tiranë. Ngjarja është regjistruar pasditen e sotme në zonën e ‘Thesarit’. Gazetarja Dorjana Bezat raporton për BalkanWeb se në vendngjarje janë 3 zjarrfikëse. Ndërkohë po bëhet evakuimi i banorëve të pallatit.
Flakët kanë përfshirë një apartament në katin e dytë, ku fatmirësisht raportohet se nuk ka persona të bllokuar brenda.
Nga zjarri, raportohen dëme materiale, ndërsa flakët nuk janë vënë ende nën kontroll.
