Gjykata e Posaçme kundër krimit pritet të japë masën e sigurisë për dy të arrestuarit Artur Balla dhe Beldar Lilo, të akuzuar për grup të strukturuar kriminal dhe pastrimi parash. SPAK kërkon për dy të arrestuarit, njerëzit e besuar të Reazart Taçit, ‘arrest me burg’, si të përfshirë në skemën e pastrimit të 18.4 mln eurove.
Nga hetimet e SPAK, Artur Balla dhe Beldar Lilo kanë pasur një rol aktiv për të ndihmuar italianët Francesco Zummon dhe ekonomistin Fabio Petruzzella-n, të dy të arrestuar në Itali, të hapnin llogari bankare dhe të bënin transferta parash për pastrimin e tyre.
