Monika Kryemadhi thotë se Edi Ramën e rrahin në Parlament dhe se autorët e dhunës janë deputetët socialistë.
Ajo ishte sot në Vlorë në një takim me qytetarët ku u bëri thirrje për t’u bashkuar në protestën e 27 janarit para Kryeministrisë për të rrëzuar qeverinë “Rama”.
Kryetarja e LSI-së tregoi se si ka ndërmend që ta rrëzojë Edi Ramën ku tregon se protesta do të jetë paqësore.
“Protesta paqësore. S’ka nevojë as për të qenë të dhunshëm as për të kërcënuar Edi Ramën se po të qe për ta kërcënuar e rrahur Edi Ramën ka sa të duash që e rrahin brenda në Parlament nga socialistët e vet, por për të dëshmuar se shqiptarët në shumicë janë kundër tij edhe pse ai kërkon t’i nënshtrojë”, shprehet Kryemadhi.
