Bulqiza është “shkundur” në 24 orët e fundit nga disa lëkundje sizmike, të cilat përpos frikës te banorët kanë shkaktuar edhe dëme në disa banesa. “Tërmeti më ka shkatërruar totalisht brenda për brenda” tha një banor. “Djali hipi në penxhere kur ra tërmeti, por e kapi nusja dhe e uli në tokë. Më pas ra sërish dhe shtëpia jonë është e çarë” tha një tjetër banore.
“ABC” sjell pamjet e dëmtimeve të banesave, kryesisht të vjetra. Në njësinë Administrative Gjoricë ka plasaritje në muret e zyrave të njësisë Administrative, janë raportuar dy banesa të dëmtuara lehtë në fshatin Zogje dhe dy banesa në Njësinë Administrative Ostren në Gollobordë.
Grupet e emergjencave civile të Prefekturës Dibër dhe Bashkia Bulqizë janë në terren për të verifikuat dëmet e shkaktuara. Ndërkohë që pas lëkundjet pas tërmetit 4.5 Rihter vazhdojnë në këtë zonë. Në mesditë u regjistrua një tjetër lëkundje 3.3 Riter
