Studiuesi dhe profesori i Universitetit të Prishtinës, Jahja Drancolli, ka publikuar në faqen e tij në Facebook një portret të rrallë të Gjergj Kastriot Skënderbeut zbulua, në një botim në Hungari i përgatitur nga një autor serb.
Portret i rrallë i Gjergj Kastriotit-Skënderbeut mendohet se është botuar nga fillimet e shek. XIX, por nuk dihet koha e saktë e realizimit të tij.
Portreti në fjalë pothuajse fare i panjohur për historiografinë tonë është një riprodhim i zbuluar në biografinë e parë të shkruar në serbishtën e vjetër, e cila i kushtohet heroit tonë kombëtar. Tërheq vëmendjen, sidomos titulli mbret që i atribuoet heroit tonë dhe origjina arbërore e Gjergj Kastriotit-Skënderbeut.
Origjinë kjo që nuk është kontestuar asnjëherë nga qarqet intelektuale serbe të asaj kohe.
Në këtë kontekst duhet vënë re se përpjekjet për serbizimin e Heroit nisën të zënë fill nga historiani Garashanin (1844) dhe pasuesit e tij të shkollës antropologjike, të cilët përpiqeshin për ta fikur çdo dritë, jo vetëm nga historia e jonë e lavdishme. Libri është botuar në Pesch të Hungarisë më 1828!
