Më shumë se 600 mijë shtëpi kanë mbetur pa energji elektrike në SHBA.
Shkak për këtë është bërë një stuhi e fuqishme bregdetare, me erëra që arrinin deri në 140 km shpejtësi.
Massachussets është shteti i goditur me 466 000 shtëpi pa energji elektrike në orën 08:00 (12:00 GMT), me autoritetet meteorologjike që e konsideruan situatën “të rrezikshme” dhe paralajmëruan “shpërthime erërash të tipit uragan”, raporton ATSh.
“Udhëtimi nuk rekomandohet”, njoftuan shërbimet e motit në Boston.
Shteti i Rhode Island u prek gjithashtu keq, me 91 000 shtëpi pa energji elektrike.
