Pak javë më parë, në një intervistë ekskluzive për Thumb, Faton Shoshi pranoi se ishte ndarë me Era Istrefin, qoftë artistikisht, qoftë personalisht.
Gjatë gjithë kësaj kohe, menaxherin e Nesër Music e kemi parë në lëvizje, njëherë jashtë vendit, njëherë në Shqipëri e më pas në Kosovë.
Kjo na ka bërë të mendojmë se Shoshi po përpiqet të rekrutojë një tjetër artist në labelin e tij. Dhe “i dyshuari” kryesor është askush tjetër, por Butrint Imeri.
Fillimisht, Fatoni u pa në tavolinë me Butrintin e më pas, një koment i tij për këngëtarin na u shoi të gjitha dyshimet.
“Butrinti të bën të fala”, – shkruan menaxheri i njohur në një foto ku shfaqet Butrinti dhe një prej pjesëtarëve të kompanisë AVD Digital. “Harem ja kam bërë Brezovicën”.
Duket se Era Istrefi sapo u zëvendësua me Butrintin, e nëse kjo është e vërtetë atëherë këngëtarin e pret një vit i mbarë.
