Deputeti i PD-së Ervin Salianji, në mbledhjen e sotme të Komisionit Hetimor për zgjedhjet e 25 prillit, tha se Partia Socialiste po tenton që të ngadalësojë procesin, një përpjekje kjo sipas tij që është e pritshme.
Më tej Salianji kërkoi që media të jetë e pranishme në këtë Komision pasi është një çështje që prek gjithë opinionin publik.
“Përpjekja e PS-së për të penguar punën është e pritshme, padiskutim që tregon para opinionit që është shqetësim për ta. Por Komisioni është një çështje sensitive dhe duhet ecur me shpejtësi.
Kisha edhe një kërkesë, media të jetë e pranishme gjatë gjithë kohës, pasi Covid nuk është çështje që futet me minuta.
Më duket sikur jemi ne byronë e Partisë Komuniste ku mediat largohen pas 5 minutash.
Unë kërkoj që mediat të jenë të pranishme gjatë gjithë kohës, pasi nuk ka mungesë hapësirash sidomos në këtë çështje që është me sensibilitet të lartë. Media duhet të jetë e pranishme gjatë gjithë kohës”, deklaroi Salianji.
