Sot ka nisur viti i ri Akademik 2021-2022 në vend, por këtë vit që studentët të marrin pjesë në auditor duhet të jenë të vaksinuar apo të paraqesin një test negativ kundër Covid-19.
Bëhet me dije se me dhjetëra studentë në universitetin e Vlorës “Ismai Qemali” nuk janë lejuar që të futen në shkollë. Studentët nuk kanë zbatuar rregullat, ata nuk kanë qenë të vaksinuar dhe as nuk kanë paraqitur një test.
Ndërsa në shkollën “Aleksandër Moisiu”, ku ka rreth 20 mijë studentë, sipas informacioneve rreth 50% e tyre janë vaksinuar.
E kundërta po ndodh në universitetin “Aleksandër Xhuvani”, ku po lejohen që në auditor të futen të gjithë studentët, edhe ata të pavaksinuar apo pa test kundër Covid.
Në hyrje të universiteteve është një person nga pika e vaksinimit, i cili u kërkon certifikatën e vaksinimit, ose testin negativ PCR.
