Qytetarët e Beratit janë përballur me një skenë të frikshme për disa momente gjatë ditës së sotme, por duket se gjithçka ka qenë një film.
Disa skena aksion në mes të qytetit historik kanë shkaktuar panik tek personat e pranishëm rastësisht në vendin e xhirimit që është kthyer në një skenë krimi gati-gati.
Mësohet se një film turk po xhirohet në qytet dhe producentët kanë kërkuar mbështetje me mjetet e policisë për disa skena aksion. Në videon e siguruar nga “BalkanWeb” shihet se si policët ndalin një person të dyshuar dhe i drejtojnë armët duke i bërë thirrje të dorëzohet.
