Qytetarët serbë kanë sulmuar me grushte efektivët e policisë së Kosovës në Mitrovicën e Veriut pas aksionit kundër kontrabandës.
Pas ndërmarrjes së aksionit qindra serbë janë mbledhur në pjesën veriore të Mitrovicës të cilët edhe kanë sulmuar policinë e Kosovës me grushte duke kundërshtuar aksionin.
Qytetarët në veri të Kosovës po kundërshtojnë një aksion të Policisë kundër kontrabandës së mallrave.
Ky aksion, që ende po vazhdon është shtrirë në disa vende në Kosovë, përfshirë rajonin e Mitrovicës së Veriut dhe të Jugut, të Prishtinës dhe Pejës.
Aksioni nisi në orët e hershme të ditës së sotme dhe deri më tani janë sekuestruar një sërë mallrash, të cilat dyshohen se janë kontrabandë.
